Këshilli i Lartë Gjyqësor rrëzuar ditën e sotme kërkesën e Inspektorit të Lartë të Drejtësisë (ILD) shkarkimin nga detyra të gjyqtarit Arben Dosti, i cili është gjyqtar pranë Gjykatës së Rrethit Gjyqësor Gjirokastër, për shkelje të rënda profesionale.
Pas një ankese të kryer nga një qytetare pranë Këshillit të Lartë Gjyqësor në vitin 2019, Inspektori i Lartë i Drejtësisë ka kryer një hetim disiplinor ndaj magjistratit Dosti.
Nga hetimi disiplinor i kryer nga inspektorët e ILD-së, ku përfshihet edhe analiza e 11 vendimeve të dhëna nga gjyqtari në periudhën 2017-2020, provohet se nga ana e magjistratit janë ndërmarrë veprime/mosveprime, të cilat kanë të bëjnë me mosrespektim të nenit 64 të Kodit Penal, 477 të Kodit të Procedurës Penale, si dhe nenit 75 të ligjit nr. 81/2020 “Për të drejtat dhe trajtimin e të dënuarve dhe të paraburgosurve” i ndryshuar, mes të tjerash ulja e padrejtë e dënimit, në zbatim të gabuar të ligjit material dhe procedural, duke sjellë përfitim të padrejtë, që është dhe pasoja e drejtpërdrejtë e shkeljes disiplinore.
Në përfundim të hetimit disiplinor, Inspektori i Lartë i Drejtësisë theksoi shkeljet e kryera nga gjyqtari, duke diskretituar kështu pozitën dhe figurën e gjyqtarit gjatë ushtrimit të detyrës, dhe i propozoi KLGJ-së masën disiplinore “Shkarkim nga detyra”, kërkesë që u rrëzua nga ky Këshill.
