KLOS - Një 38-vjeçar është arrestuar nga policia ditën e sotme pasi për motive ende të paqarta, u konfliktua verbalisht me vëllanë e tij.
Në banesën e 38-vjeçarit të identifikuar me inicialet R.T., në fshatin Gurrë e Vogël, blutë gjetën dhe sekuestruan 1 armë zjarri pistoletë me municion luftarak.
“Menjëherë pas njoftimit të marrë se në fshatin Gurrë e Vogël, për motive të dobëta, po konfliktoheshin verbalisht dy vëllezër, shërbimet e policisë shkuan menjëherë në adresë dhe si rezultat i ndërhyrjes së menjëhershme, u bë i mundur parandalimi i mëtejshëm i këtij konflikti, si dhe arrestimi i shtetasit R.T., 38 vjeç, banues në fshatin Gurrë e Vogël, Klos”,- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
