Këshilli i Lartë i Prokurorisë ka miratuar së fundmi rregulloren për ngritjen në detyrë të prokurorëve. Tashmë i hapet rrugë plotësimit të vakancave në prokuroritë e Apelit në dhe në Prokurorinë e Përgjithshme.
Për plotësimin e këtyre vakancave KLP pritet të hapë garën në shtator. Prokurorët nuk aplikonin dot për t’u ngritur në detyrë për shkak të mungesës së rregullores, ndërkohë që për shkak të dorëheqjeve dhe vettingut ka shumë vende bosh në Prokurorinë e Përgjithshme dhe në Apel. Rregullorja ka hyrë në fuqi dje me botimin në fletoren zyrtare. Qëllimi i kësaj Rregulloreje është përcaktimi i kritereve, parimeve, subjekteve dhe procedurave për ngritjen në detyrë të prokurorëve në shkallët më të larta në prokuroritë e juridiksionit të përgjithshëm
Në rregullore thuhet se ngritja në detyrë në shkallët më të larta, në prokuroritë e juridiksionit të përgjithshëm kryhet bazuar në parimet e pavarësisë, procesit të rregullt ligjor, meritokracisë, promovimit, zhvillimit të karrierës, efikasitetit, si dhe konfidencialitetit. Procedura e ngritjes në detyrë të prokurorëve është e përcaktuar në detaje në këtë rregullore, një procedurë me 3 faza që nis me momentin e shpalljes së procedurës deri në vendimin e komisionit të posaçëm.
Vendimi i Keshillit të Lartë të Prokurorisë
