TIRANË- Restaurimi i Ansamblit historik në Shkodër njohur “Gjuhadol’ dhe “Kafja e Madhe” ka shkaktuar dëme të parikuperueshme për vlerat e tyre historike e trashëgimisë kulturore.
Ky konstatim është bërë nga Kontrolli i Lartë i Shtetit i cili ka depozituar kallëzim penal në prokurorinë e Shkodrës ndaj institucioneve të audituara si Ministria e Kulturës, Drejtoria Rajonale Trashëgimisë kulturore Shkodër dhe Institutit Kombëtar të Trashëgimisë kulturore.
Sipas materialit të siguruar nga ReportTv thuhet “Nga auditimi i kryer në subjektet e sipërcituara, janë konstatuar shkelje lidhur me procedurën e miratimit dhe zbatimit të projektit “Rikonstruksioni i fasadës dhe Çatisë së objektit brenda Qendrës Historike Shkodër”, duke sjellë pasojën e rëndë të tjetërsimit të karakteristikave të objektit, pjesë e ansamblit historik rruga “Gjuhadol”, deklaruar si pasuri kulturore me VKM nr.771, datë 30.09.2020 “
Kontrolli i lartë i shtetit në auditimin e bërë përfshin edhe objektin e njohur si “Kafja e Madhe” ku thuhet “ Auditimi i KLSH-së, ka evidentuar gjithashtu shkelje gjatë procesit të zbatimit të punimeve për realizimin e projektit të restaurimit të objektit “Kafe e Madhe”, të cilat kanë sjellë pasojën e parikuperueshme të shembjes së objektit monument kulture i kategorisë I.
Për këto dëmtime, në 28 tetor, KLSH ka referuar në prokurori kallëzim penal sipas nenit 160 për shkatërrim të veprave kulturore, krim i cili dënohet me gjobë deri në 8 vite burg.
Rëndësia e ‘Kafes së Madhe’
Kafja e Madhe është ideuar nga arkitekti Kolë Idromeno, ndërsa ndërtimi i filloi nga familja Ashik në vitin 1920. Para se të quhej “Kafja e Madhe”, godina pati tre emra: Fillimisht quhej Kafe “Adriatik”. Më pas u quajt Kafe – Hotel “Park” dhe në fund, me ardhjen e malazezëve “Grand Hotel Savoia”. Kafja e Madhe shërbente si vendtakimi i shkrimtarëve, artistëve por edhe qytetarëve nën tingujt e muzikës së lehtë klasike. Fasada e objektit është e stilit austro hungarez. Ndërtesa ndahej në dy kate ku i pari kishte kapacitet deri në 200 persona dhe 50 tavolina, ndërsa në katin e dytë ishin 9 dhoma gjumi për turistët apo vizitorët. Në vitin 2007, Ministria e Kulturës, Turizmit, Rinisë dhe Sporteve e shpalli “Monument Kulture të Kategorisë së Parë”.
'Kafja e Madhe', si ishte
'Kafja e Madhe', projekti
Rëndësia e ‘Gjuhadolit’
Gjuhadoli është një rrugicë e veçantë për shkodranët. E shtruar me kalldrëm dhe me ndërtesa njëkatëshe me ballkonet karakteristike. Nga të parat shtëpi që u ndërtuan aty ka qenë ajo e Gurakuqve. Më 1875 është themeluar Kuvendi Françeskan në këtë lagje, e ndërsa është një nga lagjet karakteristike të qytetit të Shkodrës, por që është lënë pas dore deri në shkatërrim.
Lagjia 'Gjuhadoli'
Komente
Me qe e ka cuar ne prokurori le ta vendosin ata per gjykate KLSh kush e di se ku i eshte prekur interesi
PërgjigjuKLSH gjen shkelje nga min.e kultures,inst.i trashegimise kombetare dhe dega e tij ne Shkoder ne lidhje me menyren e restaurimit!!!Zakonisht jane keta tre te fundit qe vendosin e vleresojne restaurimet. Dicka nuk shkon ne kete histori,ose eshte e paqarte.
PërgjigjuKLSH eshte e pa besueshme. Asgje denoncim i KLSH nuk vertetohet.
PërgjigjuDuket që këto komentet qenkan nga ato që kanë bërë sipas qejfit restaurimin. Për ata që nuk e dinë KLSH nuk merret vetëm me auditimin a anëve financiare. Atje te vendi do shkoni të gjithë, për para shkatërruat një histori të tërë për Shkodrën.
PërgjigjuProjekti duket pothuaj identik....... ngjyrat e godines bijen ne sy edhe sepse fotoja origjinale eshte e vjeter,por dhe varet si ka qene lyerja...... Nuk kuptoj ku qendron problemi ?? Shpenzimet,natyrisht duhen audituar.... Admirues i Shkodres
PërgjigjuFaçada e projektit eshte ok por gjithe ndertesa veç façades eshte shembur.
KLSH kontrollon procedurat nese jane ndjekur dhe nese jane perfunduar sipas ko tratave. Mund tju vije dhe neser te shpia tju kontrolloje sahatet dhe si matet ko sumi i energjise me cmimet e reja. KLSH eshte i vetmi institycion qe nuk eshte kapur ende 100% nga cunat problematik apo patronazhistet.
Klsh auditon apo ka prirje arkitekturore? Po ju keni qidrs institucione me shkelje apo ska gje?! E keni sa ber buje? Ate auditoni shkeljet ne leke jo kornizat! Ne faqen e KLSH o gazetar ke auditimet me shkelje te Klsh e me vjedhje mbi 10 milion. Psenuk referohen ne Peokurori?! Apo ashtu eshte muhabeti?
PërgjigjuKLSH esgte organ kontrollit financiar apo kontroll arkitekture dhe rikonstruksioni ?
PërgjigjuSpecialista per gjithcka qe do humbin gjyqin dhe paret duhet ti paguajne nga xhepi.
PërgjigjuKy KLSH merret me monumentet e kultures apo sa ka kushtuar projekti? Sa per projektet duhet te shprehet instituti i monumenteve dhe jo ky mbikqyresi i harxhimeve. Po mua mire më duket, Normal qe ato vazot ne fotografi nuk do rezistonin kohes.
PërgjigjuPaske nja 100 vjet që s'paske qenë në Shkodër ose nuk duhet t'a kesh vizituar fare!!