Kryeministri Edi Rama ka reaguar për herë të parë pas zhurmës së krijuar rreth draftit të ri të Kodit Penal. Duke sqaruar fillimisht se qeveria nuk është hartuese e draftit, por vetëm një nga palët në proces, Rama ka i ka cilësuar të nxituara dhe qesharake reagimet për draftin, sidomos të bëra nga institucionet brenda sistemit.
“Kanë të gjithë kohën e nevojshme për ta studiuar e pastaj ballafaquar draftin e Kodit të Ri Penal me grupin e punës, njësoj siç do të bëjë qeveria e siç duhet të bëjnë të tëra palët e interesuara- sidomos ato brenda sistemit, të cilat në vend se të japin deklarata sa të nxituara aq edhe qesharake për shtyp, bëjnë mirë të ulen me grupin e ekspertëve dhe të ballafaqojnë opinionet e tyre”, shkruan Rama.
Transparent dhe demokratik e quajti procesin nën drejtimin e profesor Arben Rakipit, ndërsa garantoi edhe një herë as asnjë Kod Penal nuk kalon në Kuvend pa i marrë miratimi nga Bashkimi Evropian.
“Pasi të bëhen të gjitha ballafaqimet e grupit të punës me të gjitha palët e interesuara dhe në pavarësi të plotë nga qeveria, Ministria e Drejtësisë do ta marrë draftin e rishikuar e do ta konsultojë natyrisht edhe me Komisionin Europian, sepse pa vulën e Brukselit drafti nuk shkon dot në parlament! Kështu që miq të shoqatave të shtypit rrini të qetë se nuk ju vjen dot asnjë e keqe nga Kodi i Ri Penal, në Shqipërinë që po shkon në BE dhe jo në BRSS”, thekson ai.
Ky reagim i Kryeministrit u nxit nga një deklaratë e një grupi shoqatash gazetarësh, por më herët kundër draftit janë shprehur edhe krerë të institucioneve të drejtësisë. Pas kreut të Gjykatës së Lartë Sadushi ishte Prokurori i Përgjithshëm Olsian Çela i cili për Report Tv tha se drafti rrezikon të minojë drejtësinë. Edhe kreu i SPAK, Altin Dumani, shprehu rezerva, duke ngritur pyetjen, nëse ka vërtet nevojë për një Kod të ri Penal, apo mjaftojnë përmirësimet në Kodin ekzistues. Në listën e kritikëve është edhe Dhoma Kombëtare e Avokatisë. Megjithatë drafti ka vetëm një javë në proces konsultimi publik dhe pritet rrugë e gjatë deri në miratim.
Postimi i plotë i kryeministrit Rama në rrjetin X:
Shoh që disa shoqata gazetarësh na kanë bërë një thirrje urdhëruese për të ndërhyrë urgjentisht në draftin e Kodit të Ri Penal, ç’ka tregon se ata që duhet të informojnë publikun për procesin e saponisur të diskutimit të këtij drafti nuk e kanë kuptuar akoma (edhe pse u tha shumë qartë nga ministri i drejtësisë) se Ministria e Drejtësisë dhe Këshilli i Ministrave, nuk kanë marrë pjesë në hartimin e draftit po ia kanë besuar një grupi ekspertësh të nderuar, nën udhëhehjen e Drejtorit të Shkollës së Magjistraturës, Profesor Arben Rakipit.
Kështu, hëpërhë qeveria është thjeshtë njëra nga shumë palët në këtë proces dhe e kemi marrë e po e studiojmë draftin, për të ballafaquar më pas qëndrimet tona me ato të grupit të ekspertëve, gjë që ua sugjerojmë edhe shoqatave të alarmuara për lirinë e shtypit, të cilat në këtë fazë, në vend se të alarmohen duhet të ndjehen shumë të lehtësuara e të respektuara, sepse kanë të gjithë kohën e nevojshme për ta studiuar e pastaj ballafaquar draftin e Kodit të Ri Penal me grupin e punës, njësoj siç do të bëjë qeveria e siç duhet të bëjnë të tëra palët e interesuara - sidomos ato brenda sistemit, të cilat në vend se të japin deklarata sa të nxituara aq edhe qesharake për shtyp, bëjnë mirë të ulen me grupin e ekspertëve dhe të ballafaqojnë opinionet e tyre.
Ky është një proces demokratik dhe transparent, ku kush do të kontribuojë për një Kod të Ri Penal për Shqipërinë 2030 në BE i ka rrugët e hapura e të gjithë kohën e nevojshme, ndërsa kush do të bëjë zhurmën e vet mund ta bëjë, se demokracia i ka edhe zhurmuesit e vet, po s’mund të thotë dot që s’na pyeti kush.
Pasi të bëhen të gjitha ballafaqimet e grupit të punës me të gjitha palët e interesuara dhe në pavarësi të plotë nga qeveria, Ministria e Drejtësisë do ta marrë draftin e rishikuar e do ta konsultojë natyrisht edhe me Komisionin Europian, sepse pa vulën e Brukselit drafti nuk shkon dot në parlament!
Kështu që miq të shoqatave të shtypit rrini të qetë se nuk ju vjen dot asnjë e keqe nga Kodi i Ri Penal, në Shqipërinë që po shkon në BE dhe jo në BRSS.
Postimi i kryeministrit Edi Rama në rrjetin X
Komente
Ky e konsideron vehten e Tij, arushen 'Mira' e/o arushen 'Silva', te stervitura nga mjeshtri Tahir Baçova ne Cirkun e Tiranes, apo arushen 'Hirco' .....?!
PërgjigjuZ.Rama,ky draft para se te marre miratimin e vulen e BE,duhet te marre miratimin e vulen e popullit shqiptar.drejtesise shqiptare e institucioneve te tjera te vendit!!!
PërgjigjuKy draft ju pret duart hajdutëve që ndodhen në administratën shtetërore,jo vetëm 12vjet por dhe më tepër dhe ky draft të hyjë në fuqi sa më shpejt.
PërgjigjuSqarim i nevojshëm për të mbyllur gojët e liga shpifarake të YXHYMVE BERISHIST. Drafti u hodh për KONSILTIM nga të gjitha palët e interesuara,përfshi edhe qeverinë. Kështu,pa e lexuar fare.. u hodhën në SULËM KOMDRABEDALËT 35 VJEÇAR.
PërgjigjuPO CA THUA KESHTU SI DILKA MINISTRI PA JA SUGJERUAR TI SE CFARE DUHET TE PERFSHIJE KUR TE VJELLIN ATO PAS SHPINE JU ZOTNI I TOLERONI DENIME KA VETEM PER POPULLIN SE DHE ME AKSIONIN TUAJ ASNJE POLITIKAN NUK ESHTE CENUAR PRANDAJ BOLL ME PROPAGANDE SE NA E SHPIFET BEJ NJE HERE NJE GJE TE HAJRIT PER QYTETARET E KETIJ VENDI SE NE MENDJEN TUAJ ESHTE VETEM TA CPOPULLOJME KETE VEND E TE RRONI JU SI ZOTA. PO ASKUSH NUK JETON ME SHUME SE 100 .
Përgjigju