Kisha e Shën Marisë në fshatin Barmash të Kolonjës është rrënuar ndër viteve, ndërsa pak ditë më parë u shemb dhe pjesa hyrëse. Drejtori i Trashëgimisë Kulturore në Korçë, Gjergji Koki tha për Report Tv se janë hartuar dy projekte për restaurimin e kishës 400-vjecare.
'Një projekt kapital për restaurimin e objektit dhe një projekt tjetër për konservimin, pra që të ruajmë gjendjen që ka mbetur monumenti. Për fat të keq një pjesë e madhe është shembur dhe riformulimi është i nevojshëm, por për të bërë të mundur riformulimin duhet bërë konservimi.'- tha Koki.
Ndërhyrja e parë imediate për konservimin e afreskeve pritet të realizohet gjatë muajve të verës.
"Në verën e këtij viti kemi parashikuar konservimin e afreskeve, pra piktura murale që janë të pazëvendësueshme për vetë rëndësinë historike se i përkasin shekullit të XIII. Së bashku me bashkinë dhe donatorë, biznese të zonës do të bëjmë punimet fillestare për konservimin e monumentit", u shpreh Gjergji Koki drejtor i trashëgimisë kulturore në Korçë.
Ndërsa sa i përket shembjes së portës, Koki tha se nuk ka pasur vlera historike.
"Hyrja e kishës nuk ka qenë autentike, ka qenë e ndërtuar naive nga banorët dhe besimtarët, pra nuk është humbur pjesë e rëndësishme", tha Koki.
Kisha e Shën Mërisë është ndërtuar me një arkitekturë të veçantë dhe piktura murale, ku fatkeqësisht pjesa më e madhe e tyre tashmë nuk ekzistojnë më.
Komente
O drejtor muti po cfar prite deri tani, apo sa te shembej mire qe te vidhnit mirë ca fonde?! Mos u ngopshit plehra!!
Përgjigju