Një 34-vjeçar është arrestuar si dhe është proceduar në gjendje të lirë bashkëshortja e tij 22-vjeçare, pasi akuzohen se kanë vjedhur para në 3 objekte kulti, konkretisht në teqe.
34-vjeçari i identifikuar me inicialet L.U. dhe bashkëshortja e tij S.U., dyshohet se kanë vjedhur shumën prej 35 mijë lekësh në teqetë e fshatrave Starje, Kreshovë dhe Gjonç.
"Të arrestuarit në bashkëpunim me njëri-tjetrin, dyshohet se kanë vjedhur në objektet e kultit (teqe), në fshatrat Starje, Kreshovë dhe Gjonç, 35 000 lekë. Në cilësinë e provës materiale u sekuestrua një automjet tip “Volkswagen Passat”, të cilin dyshohet se e kanë përdorur për të kryer vjedhjet."-njofton policia.
Ndër të tjera, bëhet me dije se vijon puna për dokumentimin e plotë të veprimtarive të paligjshme, në të cilat dyshohet se janë të implikuar këta dy persona.
