Mesfushori Ylber Ramdani do të mungojë në dy ndeshje e Kombëtares gjatë shtatorit, miqësores me Gjibraltarin më 4 shtator dhe ndeshjes së kualifikueseve të Botërorit 2026 ndaj Letonisë në Tiranë.
Pas Lecces, edhe FSHF konfirmon se futbollisti ka pasur një infeksion të përsëritur të laringut, i cili kërkon pushim për disa ditë dhe terapi me antibiotikë dhe për këtë arsye ai nuk do të jetë në gjendje t’i përgjigjet thirrjes së Kombëtares.
Edhe pse para dy ditës Ramadani ishte titullar me Leccen në Serinë A kundër Milanit, dje klubi italian konfirmoi përmes një komunikate se lojtari do të mungojë për shkak të problemeve shëndetësore.
Komento
Komente
