Sulmuesi i Kombëtares, Mirlind Daku ka shënuar golin e tretë më fanellën e Rubin Kazan në Rusi. Për javën e 15-të të kampionatit, Rubin Kazan fitoi 0-2 në transfertë kundër Sochi.
Ndeshja u hap në minutën e 39 nga Bezrukov, ndërsa Daku shënoi golin e qetësisë në të 66 minutë. Një aksion i bukur bëri që Daku të shkarkonte të djathtën, për ta ndalur në rrjetë.
Ky ishte goli i tretë i Dakut në Rusi, teksa më herët i ka shënuar Lokomotivës dhe Dinamos së Moskës. Vetëm pak orë nga ftesa e Sylvinhos për në Kombëtare, Daku ka gjetur rrugën e rrjetës.
Kujtojmë se Kombëtarja luan dy ndeshje kyçe më 17 (Moldavi - Shqipëri) dhe 20 nëntor (Shqipëri - Ishujt Faroe) për Euro 2024.
Komento
Komente
