Në katër komisione parlamentare të ditës së sotme, mbledhjet u zhvilluan online për shkak të bllokimit të punimeve nga grupi mbështetës i Berishës. Deputetët pjesëmarrës në komisione u lidhën online nga vendet ku ndodheshin, më së shumti nga shtëpitë.
Më shumë binte në sy fakti që kishte edhe deputetë të cilët ndiqnin mbledhjen dhe ndërkohë edhe i jepnin makinës, si rasti i deputetëve Bujar Çela, Kasëm Mahmutaj dhe Eduart Ndreca.
Por flagrante në mbledhjen online të komisionit për Veprimtaritë Prodhuese, Tregtinë dhe Mjedisin, ishte pjesëmarrja e deputetit demokrat Gëzim Ademaj i cili po pinte kafe e duhan ndërkohë që diskutohej për buxhetin e vitit 2024.
Komisioni i vetëm që u zhvillua fizikisht në ambientet e Kryesisë ishte ai i Sigurisë Kombëtare me praninë e shërbimit informativ shtetëror; mbledhje e cila u shfrytëzua nga opozita për të vazhduar me aksionin kundër qeverisë.
Eduart Ndreca drejton makinën gjatë mbledhjes online në Komisionin për Edukimin dhe Mjetet e Informimit Publik
Kasem Mahmutaj drejton makinën gjatë komisionit për Sigurinë Kombëtare
