Komisioni i Pavarur i Kualifikimit zhvilloi sot një seancë për shpalljen e vendimit për Kastriot Gramshin, gjyqtar pranë Gjykatës së Rrethit Gjyqësor Tiranë.
Trupa Gjykuese e përbërë nga Suela Zhegu, Brunilda Bekteshi, Firdes Shuli pasi analizoi provat dhe faktet vendosi konfirmimin në detyrë të gjyqtarit Kastriot Gramshi.
Kastriot Gramshi ka punuar si pedagog i së drejtës penale në Shtetet e Bashkuara të Amerikës, përpara se të kthehej në Shqipëri dhe të riniste karrierën si gjyqtar i republikës së Shqipërisë në vitin 2014. Gramshi punon prej 7 vitesh pranë Gjykatës së Rrethit Tiranë.
Gjyqtari Kastriot Gramshi u përball me vetingun me 24 mars për vlerësimin e ligjshmërisë së pasurisë dhe kriterin etik dhe profesional, sot KPK e konfirmon në detyrë.
