Komisioni i politikës së Jashtme u mblodh këtë të martë, ku në drejtimin e kryetares Mimi Kodheli shqyrtoi dhe miratoi projektligjin për ratifikimin e protokollit të Traktatit të Atlantikut Verior për aderimin e Republikës së Maqedonisë se Veriut, në Nato.
Gjatë mbledhjes së komisionit të ditës së sotme u votua unanimisht, për këtë projektligj i cili synon ratifikimin e protokollit të Traktatit te Atlantikut të Veriut për aderimin e Maqedonisë së Veriut në aleancën euroatlantike. Pjesëmarrës në mbledhjen e komisionit ishin Zv. ministër i Mbrojtjes Petro Koçi, deputetja e LSI-së , Klajda Gjosha, deputeti i PS-së, Ervin Bushati, ish . z.v minsitri i Jashtëm ditmire Bushati etj.
Gjatë fjalës së mbajtur, deputeti i Partisë Socialiste, Ervin Bushati e konsideroi një moment i rëndësishëm, jo vetëm për Maqedoninë e Veriut, por edhe për Shqipërinë si pjesë e vëndeve të Ballkanit pasi i hap rrugën këtyre dy vëndeve për integrimin e tyre në Bashkimin Europian.
"Kjo është nje ditë shumë e rëndësishme, anatarësimi i Maqedonise në NATO. Është një lajm shumë i mirë , pasi është një lajm i mire për Naton dhe për Maqedoninë e vënde si ne , sepse për nje vend si Ballkani, për nje shtet si Shqipëria dhe Maqedoni është një vlerë,garanci shume e madhe për integrimin e këtyre vendeve të Ballkanit në aleancën euroatlanitike dhe të Bashkimit Europian" u shpreh deputeti socialist Bushati.
Nga ana e saj, edhe deputetja e Lëvizjes Socialiste për Integrim deputetja e LSI-së, Klajda Gjosha u shpreh se "anëtarësimi i Maqedonisë është një marrëveshje historike, pasi i hap rrugën integrimit të këtyre vendeve ne BE"
Ndërkohë, një ditë më parë edhe Komisioni mbajtur qëndrim pozitiv për votimin e këtij protokolli, ndërsa të enjten do të jetë Kuvendi i Shqipërisë ai i cili pritet të ratifikojë zyrtarisht anëtarësimin e Maqedonisë së Veriut në NATO.
Komente
