Kompekaj me arra
Përbërësit:
- 8 vezë
- 8 lgj sheqer
- 2 lgj gjalpë
- 8 lgj miell
- 2 lgj kakao
- 1 filxhan arra të thërrmuara
- 2 petë sfoljatë / 4 petë të zakonshme
- Për shërbetin:
- 2 e 1/2 gotë sheqer
- 2 gota ujë
Përgatitja:
Fillimisht rrahim vezët me sheqerin derisa të rritet volumi dhe vezët të zbardhen. Më pas shtojmë gjalpin e shkrirë. Përziejmë miellin me kakaon dhe me arrat e thërrmuara dhe e shtojmë në mënyrë graduale duke e trazuar lehtësisht nga poshtë lart, në mënyrë që të mos ulet vëllimi. Lyejmë tavën me gjalpë dhe vendosim një petë duke e ngritur pak në anët e tavës. Hedhim masën e përgatitur, më pas shtrojmë me delikatesë petën tjetër. E vendosim ëmbëlsirën të piqet në furrë në temperaturën 180-200°C për 30-35 minuta. Ndërkohë përgatisim sherbetin dhe e lemë të ftohet. Pasi kompekaja të jetë pjekur e sherbetosim.
Komento
