Teksas- Një koncert tragjik i reperit të njohur në çdo cep të globit, Travis Scott i mori jetën 8 personave të cilët ishin duke e ndjekur 3 ditë më parë. Menjëherë pas këtij lajmi tronditës, nëpër rrjete sociale janë shpërndarë një mori videosh dhe dëshmish të personave të cilët kishin qenë pjesë e koncertit dhe kishin mundur t’i shpëtonin turmës. Sipas tyre, por edhe gjykuar nga pamjet filmike të ekspozuara duket se reperi ka vijuar koncertin pavarësisht sitautës kaotike që po ndodhte në koncert. Pikërisht për këtë arsye janë shtuar një sërë akuzash duke e etiketuar Scott si person të papërgjegjshëm dhe antinjerëzor.
Një vemëndje të veçantë mori edhe një postim i vet këngëtarit në rrjetin social Twitter ku u shprehu familjarëve ngushëllimet për jetët e humbura si dhe lutjet e tij për ta. Postimi i Scott vijon me mbështjetjen e tij finanaciare dhe morale për viktimat. Ky postim sërish u shoqërua me komentues të revoltuar të cilët e bënin papërgjegjshmërine e tij si argumentin kryesor për ta cilësuar si fajtor. Padyshim që kishte edhe komentues që suportonin reperin duke e justifikuar me mundësine e pakët që kishte për të dëpërtuar në turmë ku situata kishte dalë jashtë kontrollit, por edhe ‘gjyqi’ mes komentuesve mbyllej në momentin që replikat pasoheshin me videot e tmerrshme të kësaj ngjarjeje.
Postimi i plotë i Travis Scott:
‘Unë jam absolutisht i shkatërruar nga ajo që ndodhi mbrëmë. Lutjet e mia shkojnë për të gjitha familjet dhe të gjithë ata që u ndikuan nga ajo që ndodhi në festivalin ‘Astroëorld’. Houston PD ka mbështetjen time të plotë pasi ata vazhdojnë të shqyrtojnë humbjen tragjike të jetës. Unë jam i përkushtuar të punoj së bashku me komunitetin te Huston për të shëruar dhe mbështetur familjet në nevojë. Faleminderit familjes Huston për mbështetjen dhe përgjigjen e menjëhershme. Ju dua te gjitheve.’, shkruan reperi.
Videoja pasuese tregon pamjet teksa një i ri gjendet i shtirë në tokë me kriza të vazhduara ndërkohë që koncerti vazhdohet lirisht nga Scott.
This kid dropped in the middle of the crowd in the vip section and started having a seizure.#astroworldfestival #AstroWorld #TravisScott ???? pic.twitter.com/YUESam1rmS
— $ALEHIARI$ (@ArisSalehi) November 6, 2021
