Apeli i Posaçëm la të pandryshuar vendimin e shkallës së parë për ish zëvendës ministrin e shëndetësisë Klodian Rrjepaj, duke mos i hequr masën e arrestit me burg, ku ndodhet prej datës 17 gusht të vitit 2023.
Klodian Rrjepaj ndodhet në paraburgim për hetimet e SPAK për “Sterilizimin” dhe dyshohet për 'Falsifikim të dokumenteve' e 'Shpërdorim detyre'. Bashkë me të u arrestua edhe biznesmeni Ilir Rrapaj, i cili akuzohet për “Mashtrim”.
Për të njëjtin hetim, ish-ministri i Shëndetësisë ndodhet në masë detyrimi për tu paraqitur, por në qeli e mbajnë hetimet e tjera ndaj tij, ato për abuzimin me fondet e BE në kohën kur drejtonte agjencinë për menaxhimin e tyre, SASPAC.
Koncesioni i sterilizimit po hetohet edhe në Kuvend nga komisioni hetimor për PPP në Shëndetësi, që tashmë është në fazën e seancave dëgjimore me personat në hetim nga SPAK. Radhën e kaluar dëshmoi për 8 orë ish-zv/ministri Rjepaj, ndërsa më 3 tetor pritet të dëshmojë Ilir Beqaj.
