Dhjetra banorë të fshatit Bashkim në Levan të Fierit janë ngritur në protestë me pretendimin se biznesmeni Hysni Myrtaj ka përvetësuar tokat e tyre bujqesore. Ata shpehen të indinjuar se përveç tokave djerrë që ata i përdornin për kullota, tashmë Myrtaj po kërkon të zaptojë edhe tokat që ata i kanë përfituar me ligjin 7501.
Biznesmeni Hysni Myrtaj i kontaktuar në telefon nga Report TV tha se ka një kontratë me Ministrinë e Bujqëisë për të shtrytëzuar tokën “shtet” për 99 vjet. Në bazë të kësaj kontrate, ka mbjellë një sipërfaqe prej 14 hektarësh me shege dhe synon të kultivojë dhe 6 hektarë të tjerë. Pikërisht për këto 6 hektarë ka lindur konflikt me banorët, që e kanë shfrytëzuar tokën e shtetit prej 30 vitesh. Myrtaj thotë se nuk ka hyrë në pronat e tyre private, por kërkon të shfrytëzojë sipërfaqen që ka marrë nga Ministria e Bujqësisë.
Për sqarimin e situates dhe ndarjen e kufinjve, si biznesmeni ashtu dhe banorët kërkojnë ndërhyrjen e bashkisë fier, kadastres dhe ministrisë së bujqësisë. Sakaq banoret kane depozituar kallezim dhe ne Policine e Fierit.
Komente
