LAÇ - Takimi i ‘Rithemelimit’ në Kurbin nuk ka qenë aspak i qetë pasi ka përfunduar në të shtëna me armë zjarri. Burime për Report Tv bëjnë me dije se ka patur konflikt mes nënkryetarit të PD së Rithemelimit, Kastriot Marku dhe anëtarit Van Rica, 53 vjeç për kandidatët e primareve të Sali Berishës. Në kërkim është shpallur Van Rica.
Ngjarja ndodhi rreth orës 17:30, ku brenda degës së PD së Rithemelimit, nisi konflikti pasi anëtari mbështeste një tjetër kandidat për primaret në Kurbin. Në debat e sipër, Van Rica ka qëlluar me armë zjarri në korridor dhe është larguar menjëherë nga ambientet e degës së subjektit politik. Rica është punonjës i një policie private, detaj i cili ndihmon për të kuptuar pse ai dispononte një armë. Burime bëjnë me dije se qëlloi në ajër, e për pasojë nuk pati të lënduar.
Shërbimet e Policisë kanë shoqëruar disa persona që ishin të pranishëm gjatë konfliktit, për t’i marrë në pyetje. Ende mbetet e paqartë për cilët kandidatë nisi konflikti.
Policia ka sekuestruar armën e zjarrit tip pistoletë me të cilën ka qëlluar anëtari. Materialet procedurale iu referuan Prokurorisë së Rrethit Gjyqësor Kurbin për veprime të mëtejshme.
Report Tv ka siguruar fotografinë e anëtarit të Rithemelimit, Van Rica, punonjës i një policie private që ka qëlluar me armë pas konfliktit me nënkryetarin Kastriot Marku për kandidatët e primareve.
Policia ka dhënë detajet e të shtënave me armë zjarri në Kurbin.
“Specialistët për Hetimin e Krimeve në Komisariatin e Policisë Kurbin shpallën në kërkim Van Rica, 53 vjeç, , për veprat penale “Mbajtja pa leje e armëve, armëve shpërthyese dhe municionit”, "Kanosja” dhe “Prishja e qetësisë publike”. Shpallja në kërkim e këtij shtetasi u bë pasi, rreth orës 17:30, Policia e Kurbinit ka marrë njoftim për një konflikt, gjatë së cilit,një shtetas kishte qëlluar me armë zjarri.
Menjëherë pas marrjes së njoftimit, shërbimet e Policisë kanë shkuar në adresën e dhënë, ku ka rezultar se: Dega lokale e një subjekti politik, në Kurbin po zhvillonte një mbledhje dhe gjatë saj, ka pasur një debat mes shtetasve Kastriot Marku, dhe një anëtari, mbështetës i një kandidati tjetër primar, nga ky subjekt politik, për Kurbinin.
Në debat e sipër, shtetasi Van Rica ka qëlluar me armë zjarri në korridor dhe është larguar menjëherë nga ambientet e degës së subjektit politik. Shërbimet e Policisë kanë shoqëruar disa shtetas të pranishëm gjatë konfliktit, për t’i marrë në pyetje dhe vijon puna intensive për kapjen e Van Ricës.
Gjithashtu, në cilësinë e provës materiale është sekuestruar arma e zjarrit tip pistoletë me të cilën shtetasi V. R., tashmë i shpallur në kërkim, dyshohet se ka qëlluar. Materialet procedurale iu referuan Prokurorisë së Rrethit Gjyqësor Kurbin për veprime të mëtejshme”, njofton policia.
Komente
Van Cica qenka bo trim. Na rrufsh tocin o Van cica
PërgjigjuTkem ta di emrin ty nuk du gja tjeter nket bot.
Ca merret me kto vemje policia. Duhet rrasur ne biruc Salih Ram Berisha qe eshte koka e qelbur e kti vendi. Vitet qe i kan ngelur ti kaloj ne Spac e ta provoj vuajtjen e atyre qe i dergoi me spiunlliqet e tij. Salih, vetem spaci te ben derman ty. Te kalbesh aty si pusht qe je
PërgjigjuJa dhe kokpalaret e Birishes. Duan dhe pushtet. Ptuuu klysha
PërgjigjuShteti, po që së ka shtet, të ndaloj dhe arrestoi Berishen, Salil , për thirrje të rrëzimit të rendit kushtetues.
Përgjigju