Foto ilustruese

Kronikë

Konfliktet në familje, 54-vjeçari i vjedh vëllait ‘Range Rover-in’ në Elbasan, dy të tjerë përleshen në Cërrik! Policia i arreston të tre

Policia arrestoi në flagrancë 54-vjeçarin teksa drejtonte mjetin luksoz, që e kishte marrë pa dijeninë e vëllait, i cili e denoncoi të vjedhur. Dy të tjerët ishin konfliktuar për motive të dobëta

11 Mars, 13:15| Përditesimi: 11 Mars, 13:18

  • Share

Elbasan- Dy konflikte në familje në Elbasan dhe Cërrik kanë përfunduar në vetëgjyqësi me vjedhje dhe përleshje mes vëllezërve.

Policia vendore njoftoi sot (11 mars) se specialistët për Hetimin e Krimeve arrestuan në flagrancë 54-vjeçarin me inicialet T. H., për veprën penale "vjedhja".

Denoncimi ishte depozituar nga L. H., 52 vjeç, vëllai i të dyshuarit, se gjatë natës i kishin vjedhur automjetin tip "Range Rover", të parkuar në lagjen "Beqir Dardha". Gjatë hetimeve dhe kërkimit, shërbimet e gjetën mjetin mesditën e djeshme (10 mars), në lagjen "Luigj Gurakuqi", duke e prangosur 54-vjeçarin si autor i dyshuar. Kapja e tij u bë në flagrancë teksa drejtonte mjetin, pa dijeninë e të vëllait.

Kurse specialistët për Hetimin e Krimeve të Komisariatit Cërrik arrestuan në flagrancë shtetasit A. M., 55 vjeç dhe I. M., 48 vjeç, vëllezër, pasi për motive të dobëta, janë konfliktuar me sende të forta me njëri-tjetrin, duke shkaktuar edhe lëndime.

A.Q/ReportTv.al
Komento

Komente

  • Sondazhi i ditës:

    Grupi i PS në listë të hapur, përveç drejtuesve politikë, si iu duket?