Konflikteve të gjata e yllit të popit Britney Speras me babain e saj Jamie Spears duket se i ka ardhur fundi.
Pas më shumë se dy vitesh avokati i këngëtares Mathew Rosengart ka njoftuar se ata kanë arritur një marrëveshje në Gjykatën e Lartë mbi çështjen e kujdestarisë dhe tarifave ligjore.
Kushtet e marrëveshjes nuk u bënë publike, por siç u shpreh Rosengat tashmë i ati i saj nuk ka asnjë të drejtë kontrolli mbi të. Ndërsa shtoi se çdo gjë shkoi ashtu siç këngëtarja dëshironte.
Nga ana tjetër, edhe avokati i babait të saj, pohoi se ai është i emocionuar që gjithcka u mbyll me kaq.
"Jamie e do shumë vajzën e tij dhe punoi pa u lodhur për ta mbrojtur atë. Ai dëshiron më të mirën për Britney-n, asgjë më pak” tha Alex Weingarten.
Në vitin 2008, Britney ishte nën kujdestarinë ligjore e babait të saj, i cili kishte kontroll të plotë mbi financat dhe vendimet mjekësore për të.
Urdhri përfundoi 13 vite më vonë, në nëntor të 2021-it, dhe që prej asaj kohe ata kanë vijuar betejën ligjore mes tyre pasi këngëtarja e akuzon këtë të fundit për pagesat e avokatit dhe sjellje të pahijshme gjatë kujdestarisë.
