Drejtoresha e ARRSH-së Sonila Qato inspektoi paraditen e sotme punimet emergjente në segmentin e kthesës së Kasharit në Rinas, në Kryqëzimin ndërmjet Laknasit dhe Domjes, një segment problematik për qytetarët dhe mjetet që qarkullojnë, i cili ka shkaktuar ndër vite aksidente.
Për të evidentuar problematikat, që ka pasur për shkak të rrezikshmërisë që ky kryqëzim sjell, kanë filluar punimet emergjente për përmirësimin e sigurisë rrugore në degëzimin e Laknasit dhe Domjes dhe në kryqëzimin e Laknasit - Segmenti rrugor Kashar-Rinas.
Drejtoresha theksoi se është realizuar faza e parë e punimeve emergjente në këto katër javë duke garantuar një sinjalistikë vertikale dhe horizonate, që i jep siguri rrugore të gjitha mjeteve dhe është gati për t’u implementuar një projekt i qëndrueshëm, i cili rregullon gjeometrinë e rrugës përmes një rrethrrotullimi, që disiplinon të gjithë qarkullimin në këtë aks.
Punimet e emergjencës për sigurinë rrugore përfshijnë :
• Vendosje Sinjalistike
• Pengues me efekt akustik
• Pulsant rreziku te verdhe
• Delineator fleksibël
• Shenja tranvesale ose specifike
• Vijëzim rrugor
Komente
Shume mire qe pwrmiresoni kete segment rruge por filloni aksin krtesor qe cliron trafikun ne autostrade , ate Kombinat -Plepa qe ka 30 vjet dhe asnje metr katror asfalt nuk ka pare . Zonja Qato beje realitet se mijera dhqiptar do ju fakenderojne
Përgjigju