TIRANË-Parlamenti ka çelur garën për tre anëtar të Gjykatës Kushtetuse, pasi aktualisht ka paraqitur kandidaturën, vetëm për një. Tre vendet vakante pritet të plotësohen brenda muajit shtator. Ndërkohë për të sqaruar opinionin publik mbi afatet e ngritjes dhe funksionimit të gjykatës Kushtetuese, Report Tv zhvilloi një bisedë telefonike me konstitucionalistin Sokol Hazizaj, i cili tha se kjo gjykatë nuk mund të krijohet brenda muajit tetor.
"Gjykata Kushtetuese nuk mund të krijojë numrin 5 të saj, që është poshtë minimales së vendimmarrjes", u shpreh Hazizaj.
Sipas konstitucionalistit Hazizaj për formimin e gjykatës Kushtetuse, por mbi të gjitha që kjo gjykatë të marrë vendime do te duhen të paktën 6 muaj
"Mendoj që minimalisht 5-6 muaj janë të domosdoshëm për të krijuar një gjykatë me të paktën me numrin më pak se minimalja 5", tha ai në një lidhje telefonike për Report Tv.
Hapat dhe procedurat ligjore dhe Kushtetuese mbi afatet e ngritjes se kësaj gjykate i shpjegoi Sokol Hazizaj.
"Afatet kohore Kuvendi e ka një muaj, KED ka 5 ditë, më pas shtohen edhe 10 ditët e diskutimit, kështu që i bie rreth 45 ditë. Nëse nisemi nga data e sotme, muaji tetor e bën të pamundur krijimin e një gjykate Kushtetuese funksionale edhe në qoftë se do të ishte me 5 anëtarë, u shpreh Hazizaj.
Gjykata më e rëndësishme në vend, aktualisht ka vetëm një anëtar, për shkak se anëtarët e tjerë janë skualifikuar nga sistemi Gjyqësor pasi nuk e kanë kaluar procesin e Vettingut.
Komente
Çojini 8 qofte, nje qepe, pak kripe e nje birre te madhe nga ana ime se nuk qenka per tjeter....te pakten nga surrati them.
PërgjigjuAtëherë kjo qeverri dhe mazhoranca nuk e do reformën dhe gjykatat e dalë nga kjo reformë!
PërgjigjuAvokati i Tan Dajtit foli
Përgjigju