Kontigjenti i rradhës i Policisë Ushtarake është nisur mision në Camp Arena në Herat të Afganistanit.
Lajmin e ka bërë me dije ministri i Mbrojtjes, Niko Peleshi me anë të një postimi në rrjete sociale. Peleshi teka u ka uruar ushtarakëve mision të mbarë, thekson se Shqipëria mbetet e vendosur për të përmbushur detyrimet e saj ndaj Aleancës dhe trupat janë të gatshëm për të shërbyer kudo ku thirren.
“Rrugë të mbarë!Kontingjenti i radhës që sapo përcollëm do të zëvendësojë kolegët e tyre të Policisë Ushtarake për të shërbyer në Camp Arena në Herat, në misionin Resolute Support. Shqipëria mbetet e vendosur për të përmbushur detyrimet e saj ndaj Aleancës dhe trupat tanë të gatshëm për të shërbyer kudo ku thirren. Mision të mbarë dhe u kthefshi shëndoshë e mirë”, shkruan Peleshi.
