KORÇË – Një aksident ka ndodhur pasditen e kësaj të shtune në afërsi të fshatit Bulgarec, ku një automjet ka përplasur për vdekje një këmbësore.
Kalimtarja 65-vjeçare, me inicialet S.Q. ka ndërruar jetë në spital pasi nuk i ka mbijetuar plagëve të marra nga përplasja, ndërsa është identifikuar dhe shpallur në kërkim drejtuesi i automjetit, shtetasi G. M., 27 vjeç.
"Specialistët e Sektorit të Qarkullimit Rrugor pas kontrolleve intensive të bëra dhe vëzhgimit të kamerave në zonën ku ndodhi aksidenti kanë bërë të mundur indetifikimin e automjetit dhe drejtuesit të tij, i cili u largua nga vendi i aksidentit. Rreth orës 17:40, në fshatin Bulgarec, ky shtetas, me automjetin që drejtonte, përplasi shtetasen S. Q., 65 vjeçe, këmbësore, e cila si pasojë e plagëve të marra ka ndërruar jetë në spital",- njofton policia.
Materialet procedurale do t’i kalojnë Prokurorisë, për veprime të mëtejshme.
Komente
