Dhjetëra stenda janë ngritur para sheshit të Katedrales së Korçës ku janë ekspozuar punime të ndryshme artizanale.
Panairi i Pranverës ka zbukuruar qytetin në vigjilje të festës së Pashkës.
Kjo traditë e hershme nxjerr në pah punën dhe seriozitetin e artizanëve korçarë të cilët ekspozojnë çdo vit produktet e tyre duke tërhequr interesin e qytetarëve, por edhe të turistëve të cilët e vizitojnë Korçën ne prag te festes ortodokse.
‘Në Korçë festohet më bukur se në çdo qytet, unë jam myslimane po e festojmë se kemi nusen e krishtere, behet bukur blejmë gjera për mbarësi’- tha një qytetare.
Qytetarët korçarë duke ndjekur traditën kanë blerë në këtë panair sendet e baltës si shenjë mbarësie.
Nëpërmjet këtij panairi, synohet stimulimi i artizanëve të poçarisë, një traditë e hershme e qytetit të Korçës, duke i ofruar çdo qytetari por edhe turisti produktet e traditës.
