KORÇË - Një ngjarje e rëndë ka ndodhur në Korçë rreth mesnatës ku nga djegia e një automjeti teksa ishte në parkim, ka ndërruar jetë edhe drejtuesi që ndodhej brenda në ato momente.
Sipas policisë, ngjarja është regjistruar rreth orës 23:56, në lagjen nr 1, pranë kampit të punëtorëve, dyshohet se gjatë ecjes, ka marrë flakë mjeti tip “Benz” me targa AA 911 HJ.
Drejtuesi i mjetit Gjergji Babu, 39 vjeç, banues në Korçë, dyshohet se ka gjetur vdekjen si pasojë e djegies. Shkaqet e zjarrit në automjet dyshohen aksidentale nga një cigare e ndezur, ndërsa nuk përjashtohet që drejtuesi i automjetit të ketë qenë në gjendje të dehur.
Në foto automjeti tip Benz i përfshirë nga flakët
Në vendngjarje mbërritën menjëherë pas sinjalizimit shërbimet e Policisë dhe zjarrfikësja, ku është bërë e mundur shuarja e zjarrit.
Policia njofton se ka ngritur një grup hetimor dhe po punohet për përcaktimin e shkakut të rënies së zjarrit dhe zbardhjen e rrethanave të ngjarjes.
Policia dhe grupi hetimor në vendin e ngjarjes
Komente
Qe ai te kete djeke veten Atje mafja osht bo e paparasikushme
Përgjigju