Korçë- Një ngjarje e rëndë është zbuluar këtë të premte në Korçë, ku një 60-vjeçar është gjetur i pajetë në banesën e tij në lagjen nr. 4.
Dyshohet se viktima ka ndërruar jetë prej muajsh, ndërsa trupi i dekompozuar është zbuluar pas njoftimit të fqinjëve.
Sipas uniformave blu, rreth orës 11:30, në banesën ku jetonte vetëm është gjetur pa shenja jete Petro Seferi, 60 vjeç.
Jashtë kamerave, vëllai i viktimës ka treguar se nuk kishte pasur komunikim me të vwllane prej muajsh, pasi jetonte në Tiranë.
“Vëllai im nuk kishte telefon, ndaj nuk komunikonim. Ai ishte i ndarë nga bashkëshortja dhe ka dy fëmijë, vajza jeton jashtë vendit, ndërsa djali në Tiranë. Vuante nga zemra dhe trajtohej me kemp”, është shprehur ai.
Policia po vijon hetimet për zbardhjen e plotë të rrethanave të kësaj ngjarjeje.
Njoftimi i policisë:
Rreth orës 11:30, në lagjen nr. 4, është gjetur pa shenja jete (i dekompozuar), në banesën ku jetonte vetëm, shtetasi P. S., 60 vjeç.
Grupi hetimor ndodhet në vendngjarje dhe po punon për përcaktimin e shkakut dhe kohës së humbjes të jetës dhe për dokumentimin e rrethanave të rastit.
Komente
