Korçë- Një 50-vjeçar i cili goditi me gur xhamin e një bankomati ka rënë në prangat e policisë së Korçës.
Ngjarja raportohet se ka ndodhur në lagjen nr.9.
Sipas njoftimit të bluve 50-vjeçari ishte në kërkim nga policia e Lezhës për veprën penale “Shkatërrimi i pronës”.
Njoftimi i policisë:
Shërbimet e Komisariatit të Policisë Korçë, menjëherë pas marrjes së njoftimit se në lagjen nr. 9 Korçë, një shtetas kishte goditur me gur, bankomatin e një banke të nivelit të dytë, kanë organizuar punën për identifikimin dhe kapjen e tij.
Si rezultat i veprimeve të shpejta hetimore, bazuar dhe në informacionet e siguruara në rrugë operative, specialistët për Hetimin e Krimeve të Komisariatit të Policisë Korçë identifikuan dhe arrestuan në flagrancë shtetasin V. N. alias P. N., 50 vjeç, banues në Pukë, për veprën penale “Shkatërrimi i pronës”.
Nga verifikimet rezultoi se ky shtetas ishte shpallur në kërkim nga Komisariati i Policisë Lezhë, për veprën penale “Shkatërrimi i pronës” dhe ishte proceduar penalisht disa herë, për këtë vepër penale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
50-vjeçari i arrestuar
Komente
Nga Puka vjen ne Korce e demton ATM dhe sikur te mos mjaftonte kjo, kerkohet dhe ne Lezhe per akuza te ngjashme e eshte proceduar disa here! Te ben te mendosh qe emrat me te cilet quhen shpesh keta njerez,jane te justifikuar.
Përgjigju