Korçë-Vijojnë ende hetimet për identifikimin dhe vënien përpara përgjegjësisë autorin e dyshuar të tentativës për vjedhje në bankën e nivelit të dytë në Korçë.
Kërkimet e policisë janë shtrirë jo vetëm në qytetin e Korçës, por edhe në zonat e tjera të qarkut.
Të dhënat e përfituara nga ekspertimi i kamerave të sigurisë të bankës, tregojnë që i riu ka goditur me këmbë derën e jashtme të bankës dhe pasi ka hyrë brenda, ka përdorur telefonin për të bërë foto.
Pas aktivizimit të sistemit të alarmit të bankës, i riu është larguar brenda pak minutash,pa mbërritur policia.
Ndërkohë blutë dyshojnë që autori mund të ketë qenë në gjendje të dehur.
Ngjarja ndodhi të shtunën e 21 dhjetorit në lagjen nr.3 në qytetin e Korçës. Sipas policisë autori nuk ka qenë i maskuar, ka patur një kapele të vendosur në kokë.
Komente
