Tre persona janë arrestuar dhe një tjetër është shpallur në kërkim sot në Korçë, pasi akuzohen se i kanë zhvatur par asnjë 17-vjeçarje nëpërmjet kanosjes dhe shantazhit. Në pranga ranë Eris Beqo, Ksandros Pashollari, Xhulio Dapellari dhe u shpall në kërkim Kristjan Aliu. Mësohet se ishte ky i fundit që shantazhoi fillimisht të miturën, duke e kontaktuar nëpërmjet rrjeteve sociale.
Të rinjtë e kërcënonin atë se do ta denonconin në polici si bashkëautore e një krimi të ndodhur disa kohë më parë, nëse nuk do u jepte shumat që i kërkonin. Për një periudhë 1 mujore, ata e detyruan të miturën që të merrte në shtëpi e 200 mijë lekëve dhe 8 mijë euro. Nuk dihet krimi për të cilin ata shantazhonin të miturën dhe as nëse ajo ka qenë vërtetë e përfshirë.
Të arrestuarve u janë sekuestruar shumat prej 100 mijë lekë dhe 6000 euro, që mendohet se ia kanë marrë të miturit përmes kanosjes. Gjithashtu është sekuestruar edhe një automjet Mercedez Benz dhe 4 aparate celularë të markave të ndryshme
Të rinjtë akuzohen për kanosje për dhënie pasurie kryer në bashkëpunim, por ende nuk dihet se me çfarë e kërcënonin të miturin, i cili detyrohej t'i jepte paratë.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.
Të tjera detaje janë zbuluar nga ngjarja që u regjistrua në Korçë, ku 4 të rinj i zhvatën rreth 12 milion lekë 17-vjeçares, duke e shantazhuar e kanosur. Sipas burimeve nga policia, vajza minorene është shantazhuar fillimisht nga shtetasi Kristjan Aliu i shpallur në kërkim.
Të rinjtë e kanë shantazhuar minorenen duke i thënë se ajo ka qenë bashkëpunëtore në një vepër penale të ndodhur kohë më parë dhe se do ta denonconin nëse ajo nuk u jepte paratë që i kërkonin. Ende nuk dihet se për çfarë vepre penale bëhet fjalë e nëse vajza ka qene ose jo e implikuar. Lidhur me këtë ngjarje policia po vazhdon hetimet.
Komente
Pare te madhe paskan patur ne shtepi keta sa I vodhi dhe vajza
Përgjigju