Tirane- Babë e bir kanë pësuar djegie pasi ndodheshin në makinë në momentin kur ka shpërthyer në flakë. Ngjarja është regjistruar sot rreth orës 12:55 minuta (8 qershor 2024) në aksin rrugor “Korcë – Devoll” në fshatin Belorta të Korçës.
Sipas policisë makina ka qenë në karburant në momentin kur shoferi po e furnizonte automjetin, me karburant.
“Në brendësi të automjetit ndodhej pasagjer babai i tij, shtetasi M. O., 72 vjeç, i cili së bashku me 35-vjeçarin, kanë pësuar djegie trupore dhe ndodhen për mjekim, në spital. Automjeti i tyre është larguar nga karburanti prej personave të tjerë, të cilët e kanë nxjerrë jashtë rrugës, me qëllim shmangien e rrezikut të mëtejshëm” informoi sot policia e Korçës.
Në spital janë D. O., 35 vjeç, dhe 72 vjeçari të dy banues në fshatin Rëmbec, Maliq të cilët kanë pësuar djegie trupore.
Grupi hetimor po punon për përcaktimin e shkaqeve të rënies së zjarrit.
