Korçë-Policia e Korçës, ka nisur hetimin ndaj një 40 vjeçare me inicialet A.F, pasi shiste lëndë piroteknike të kontrabanduara, si fishekzjarrë dhe kapsolla.
Sipas policisë, pronarja e subjektit, i cili ndodhet në lagjen nr.8, në Korçë fshehte edhe të ardhurat e përfituara nga aktiviteti në këtë subjekt.
‘Në vijim të veprimeve për këtë rast, u referuan materialet në Prokurori ku nisi procedimi në gjendje të lirë për pronaren e subjektit, shtetasen A. F., 40 vjeçe, për veprat penale “Tregtimi dhe transportimi i mallrave që janë kontrabandë” dhe "Fshehja e të ardhurave", njoftoi policia.
Materialet proceduale i kaluan Prokurorisë pranë Gjykatës së Shkallës së Parë Korçë, për veprime të mëtejshme.
Komento
Komente
