Korçë - Katër persona janë vënë nën hetim nga pasi shisnin lëndë piroteknike të dyshuara si të kontrabanduara.
4 të proceduarit penalisht të identifikuar me inicialet A. F., E. F., E. Sh., banues në Korçë, si dhe F. M., banues në Pogradec, shisnin lëndët piroteknike përkatësisht në lagjen nr. 17, Korçë dhe në rrugën e tregut në Pogradec.
“Gjatë kontrolleve të vazhdueshme në terren, shërbimet e Policisë konstatuan se në lagjen nr. 17, Korçë dhe në rrugën e tregut në Pogradec, 4 shtetas shisnin lëndë piroteknike të dyshuara të kontrabanduara.
Për këto paligjshmëri, specialistët e Seksionit për Hetimin e Krimeve Ekonomiko-Financiare të DVP Korçë dhe specialistët për Hetimin e Krimeve të Komisariatit të Policisë Pogradec referuan materialet në Prokurori ku nisi procedimi në gjendje të lirë për shtetaset A. F., E. F., dhe shtetasin E. Sh., banues në Korçë, si dhe F. M., banues në Pogradec”,- njofton policia.
Në cilësinë e provës materiale policia ka sekuestruar 20 kuti me kapsolla dhe 222 fishekzjarrë.
Këto 4 persona akuzohen për veprat penale "Tregtimi dhe transportimi i mallrave që janë kontrabandë" dhe "Fshehja e të ardhurave".
