Fotografitë e reja satelitore tregojnë se Koreja e Veriut ka vendosur disa objekte të ngjashme me dronë pranë anijes së saj luftarake prej 5,000 tonësh, e cila prej javës së kaluar është shtrirë anash dhe pjesërisht e zhytur në ujë pas një dështimi gjatë lansimit.
Qëllimi i këtyre dronëve nuk është i qartë, por ekspertët thonë se ata mund të përdoren për të ndihmuar kthimin e anijes në pozicion ose për ta mbrojtur atë nga vëzhgimi i dronëve të huaj.
Anija, që ishte më e reja dhe simbol i modernizimit ushtarak, dëmtoi pjesën e pasme në një lansim të dështuar më 21 maj, duke e lënë gjysmë të zhytur dhe të bllokuar në rampë.
Udhëheqësi Kim Jong Un e quajti këtë një “akt kriminal” dhe urdhëroi riparimin urgjent para një seance të rëndësishme të partisë në fund të qershorit, duke e konsideruar çështje nderi kombëtar.
Qeveria ka arrestuar disa persona përgjegjës dhe po punon intensivisht për riparimin. Analistët besojnë se dronët janë pjesë e përpjekjeve për stabilizimin dhe riparimin e shpejtë të anijes, ndoshta për të parandaluar përmbytjen ose për të mbrojtur nga spiunazhi ajror.
Ekspertët paralajmërojnë se pozicioni i anijes, gjysmë në ujë dhe gjysmë në tokë, e bën shumë të vështirë riparimin dhe shpëtimin, dhe se mund të nevojitet ndarja e saj në pjesë për të shmangur dëme të mëtejshme./CNN
Komente
