Një 62-vjeçar shqiptar në Korfuz u arrestua nga policia pasi po transportonte 320 kg marijuanë.
Ai është kapur në bregdetin e Dassia-s mbrëmjen e djeshme me 72 pako të mbështjellura me najlon.
Policia greke bën me dije se 62-vjeçari shqiptar kishte marrë sasinë e lëndës narkotike e cila ishte transportuar me dy skafe drejt Korfuzit.
Arrestimi i tij u bë pas një hetimi disamujor për evidentimin e trafikut të lëndëve narkotike në vijën bregdetare.
Gjithashtu policia kreu një kontroll dhe në shtëpinë e ku jetonte 62-vjeçari në Greqi ku u sekuestruan dhe 484 gramë të tjera marijuanë.
Në cilësinë e provës materiale u sekuestruan dhe 2 peshore elektronike përmes së cilës shqiptari bënte të mundur peshimin e lëndës elektronike si dhe 2 aparate celulare.
Policia vijon hetimet për 62-vjeçarin nëse ai i përket një grupi të strukturuar kriminal.
Komente
