Greqia ka regjistruar 3,225 raste të reja me koronavirus në 24 orët e fundit. Që prej fillimit të pandemisë në Greqi janë regjistruar 1,002,877 raste me COVID. 50,5 për qind e tyre mësohet se janë meshkuj.
Sipas raportimeve, nga rastet e konfirmuara këtë javë, 88 konsiderohen të lidhura me udhëtime nga jashtë dhe 2730 janë të lidhura me një rast tashmë të njohur.
Numri i viktimave vijon të jetë i lartë. Gjatë 24 orëve të fundit janë regjistruar 90 të vdekur si pasojë e COVID.
Sakaq, që nga fillimi i pandemisë numri i viktimave ka shkuar në 19248. Sipas të dhënave, 95.3% kishin një sëmundje shoqëruese.
Komento
