Situata me pandeminë e koronavirusit është drejt përmirësimit edhe në Kosovë, ku në 24 orët e fundit nuk është shënuar asnjë viktimë. Sipas të dhënave të publikuara nga Instituti Kombëtar i Shëndetit Publik të Kosovës, në 24 orët e fundit janë regjistruar 35 raste të reja infeksioni, ndërsa të shëruar janë 180 persona.
Rastet pozitive janë nga komunat: Prishtinë 9 raste, Ferizaj 4 raste, Lipjan 4 raste, Mitrovicë 4 raste, Klinë 2 raste, Obiliq 2 raste, Prizren 2 raste dhe me nga një rast komunat Gjakovë, Gjilan, Malishevë, Pejë, Podujevë, Rahovec, Shtime dhe Viti.
Numri total i rasteve pozitive në Kosovë ka shkuar në 107.213, ndërsa ai i viktimave në 2.239.
Komento
