Kryeministri Avdullah Hoti përmes një postimi në Facebook ka njoftuar se qeveria e Kosovës po përgatit masat e reja për festat e fundvitit por pa i specifikuar.
Ndër të tjera ai foli dhe për situatën e COVID-19 në vend duke u shprehur se në 2 javët e fundit, si rezultat i masave të vendosura nga qeveria janë ulur rastet aktive për rreth 15%.
Sipas tij, institucionet shëndetësore do të mbesim të mobilizuara. Hoti shkruan në Facebook se numri i pacientëve të shtruar në spitale sot është 874.
Kurse, duke u ndalur te gjendja nëpër shkolla, ka shkruar se të dhënat tregojnë se nga rreth 11 mijë arsimtarë që janë testuar, 15% kanë rezultuar pozitiv, ndërkaq nga rreth 7 mijë nxënës të testuar 17% kanë rezultuar pozitiv.
Kjo sipas tij, është arsyeja e vendimit të qeverisë për të mbyllur shkollat më 18 dhjetor.
