Kancelarja gjermane Angela Merkel, ka reaguar sërish për çështjen e kufijve Kosovë-Serbi. Merkel ka thënë se një marrëveshje e tillë do të kishte pasoja në vendet e tjera të rajonit
Deklaratat u bënë pas një takimi me kryeministrin kroat Andrej Plenkoviç, i cili gjithashtu u shpreh kundër një korrigjimi kufijsh Kosovë-Serbi, shkruan “Zëri i Amerikës”.
Merkel foli të hënën me presidentin amerikan, Donald Trump, me të cilin diskutoi këtë çështje, ku mes të tjerash tha: "I mbështesim përpjekjet për një zgjidhje të përbashkët ndërmjet Kosovës dhe Serbisë, por e cila ka parasysh tërësinë tokësore".
Prej një muaji, i gjithë rajoni është përfshirë në debatin nëse do të ketë një korrigjim kufijsh mes Kosovës dhe Serbisë.
Presidenti kosovar Hashim Thaçi, ishte i pari që hodhi idenë e një korrigjimi kufijsh, ndërkohë që të dielën, ai bashkë me presidentin serb, Aleksandër Vuçiç, kërkuan nnë një forum në Austri mbështjen nga ndërkombëtarët nëse arrihet një marrëveshje, cilado qoftë ajo.
Komente
