TIRANË- Është shtyrë për të disatën herë seanca gjyqësore në Apelin e Krimeve të Rënda për Iljaz Labin, ish/zëvendës drejtorin e burgjeve.
Më 12 korrik, Gjykata e Krimeve të Rënda dënoi me 3 vite burg Labin, ndërsa ish-drejtori i burgut Artur Zoto u la i lirë nga Apeli, pasi sipas avokatit të tij gjithçka ishte një mashtrim i të penduarit Iliaz Labi.
Kjo nuk është hera e parë që shtyhet seanca për Labin. Herën e fundit, Gjykata e Krimeve të Rënda shtyu vendimin për Labin pasi avokatët e tij mbrojtës mungonin në seancë. Mungesa e tyre solli gjobitjen me 50 mijë lekë të vjetra për shtyrje të procesit.
Përveç Labit, biznesmeni Shemsi Sinani, është dënuar me 4 vite burg, ndërsa biznesmenët Elidon Laska, Nexhmi Balla dhe Ylber Kalaja janë dënuar me 3 vite burg secili.
AKUZA
Dy ish-zyrtarët u përfshinë pak muaj më parë në skandalin e tenderave të vezëve dhe bulmetit në burgje.
Labi akuzoi ish-drejtorin Artur Zoto për korrupsion në lidhje me tenderat e ushqimeve vezë dhe bulmet. Për këto ushqime për të burgosurit, Labi ka marrë 2 milion lekë nga biznesmeni Shemsi Sinani në një lokal në bllok dhe ja ka çuar ato në zyrë ish-eprorit të tij Artur Zoto.
Komente
