Pas dënimit të ish-drejtorit të Burgjeve, Artur Zoto me 5 vite burg për korrupsion me tenderat, Gjykata e Krimeve ka shtyrë vendimin sot për ish vartësin e tij, Iljaz Labi. Shkak për shtyrjen është bërë mungesa e avokatëve mbrojtës të Labit. Gjykata ka dënuar me 50 mijë lekë të vjetra avokatin për mungesa të përsëritura, të cilat janë bërë shkak për shtyrjen e procesit.
Seanca e radhës është caktuar për në datën 29 qershor 2018. Labi gëzon statusin e bashkëpunëtorit të drejtësisë, pasi pranoi akuzat e korrupsionit me tenderat e vezëve dhe bulmetit në burgje, në bashkëpunim me Artur Zoton, ish-drejtor i Përgjithshëm. Labi dhe Zoto janë përballur mes tyre në gjyq. Në një prek ballafaqimeve, Labi ju drejtua Zotot me fjalët “Pranoje atë që kemi bërë, mos ki frik e turp, për mua kanë thënë edhe spiun por kjo ska lidhje ne shkeljen e bëmë të dy ndaj pranoje”.
Ka qenë dëshmia e të penduarit Iljaz Labi që hodhi dritë se për tenderin e ushqimeve vezë dhe bulmet për të burgosurit ai ka marrë 2 milion lekë nga biznesmeni Shemsi Sinani në një lokal në bllok dhe ja ka çuar ato në zyrë ish eprorit të tij Artur Zoto.
50 mije te vjetra per nje shtyrje procesi? A jeni ne terezi? Dmth me 600mije ky rrota ben palle tere vitin-Ah mjere kjo Shqiperi ku cdo kush vjedh pa hesap e zvarrit ligjet sic ju do qefi! Labi eshte njeriu me i degjeneruar jo me pak fajtor se Zoto- te dy duhet te denohen sa me pare nga drejtesia! Po beni o njerez shtet se ngelet me te prapambeturit ne bote! TURP!
Përgjigju