ELBASAN- Një tjetër person i kërkuar nga Kosova ka rënë në pranga në Cërrik për laboratorin e drogës ku i zbulua 1 ton kanabis. Autoritetet pritet të nisin procedurat për ekstradimin drejt Kosovës, të Engjëllush Ibrahimit, 39 vjeç.
Ndaj tij, Gjykata e Pejës ka caktuar masën ‘arrest me burg’ për 2 akuza “Kultivimi i bimëve të hashashit, shkurres së kokainës ose bimëve të kanabisit" dhe "Blerja, posedimi dhe shitja e paautorizuar e narkotikëve, substancave psikotrope dhe analoge".
“Si rezultat i shkëmbimit të informacioneve dhe koordinimit të punës, ndërmjet Komisariatit të Policisë Cërrik dhe agjencive ligjzbatuese në Kosovë, u bë e mundur kapja dhe arrestimi, me qëllim ekstradimin në Kosovë, i shtetasit të shpallur në kërkim ndërkombëtar Engjëllush Ibrahimi, 39 vjeç, banues në Cërrik.
Gjykata Themelore e Pejës i ka caktuar këtij shtetasi, masën e sigurisë "Arrest në burg", për veprat penale “Kultivimi i bimëve të hashashit, shkurres së kokainës ose bimëve të kanabisit" dhe "Blerja, posedimi dhe shitja e paautorizuar e narkotikëve, substancave psikotrope dhe analoge", parashikuar nga Kodi Penal i Republikës së Kosovës”, njoftoi policia.
Po në Cërrik, më 4 dhjetor u arrestua edhe Albano Saliu, i kërkuar po ashtu nga Kosova për këttë laborator droge të zbuluar më 27 shtator. Policia ka arrestua më herët po ashtu, Erjon Etemajn, ndërsa 2 të tjerë janë ende në kërkim.
Komente
Hec aty romanatët... fort o la... me shum kg bar. Lale se di kush e ka pas ate 1 ton shin por ja paskeni fut te gjithe kokave te krimit...pu pu pu ne dor ka ren edhe droga.
Përgjigju