KOSOVË- Qeveria e Kosovës ka marrë një vendim, ku çdo familje kosovare që ka humbur të dashurit e saj për shkak të infektimit me COVID, do të shpërblehen me 1500 euro. Ministri i Financave, Hekuran Murati, ka nënshkruar ditën e sotme vendimin “Mbështetja për familjet që kanë humbur familjarin nga COVID-19”.
Të gjithë ata që kanë humbur familjarin për shkak të koronavirusit, që të përfitojnë mbështetjen financiare, kanë afat deri më 30 nëntor për të aplikuar në portalin online, https://masa3-1.rks-gov.net/. Dokumentet e nevojshme për aplikimin elektronik janë: certifikata familjare, që të vërtetohet lidhja e familjare e palikuesit me viktimës dhe fotografi të pjesës së pasme të kartës së identitetit të aplikuesit.
Ndërkohë vlen të theksohet që pas datës 1 tetor ky vendim do të ndryshojë. Mbështetjen financiare prej 1500 eurosh do ta përfitojnë vetëm familjarët e viktimave që vdesin si pasojë e COVID, por janë të vaksinuar me të dyja dozat e vaksinës.
