Kreu i AAK-së, Ramush Haradinaj ka akuzuar qeverinë se po përpiqet të zbrazë xhepat e qytetarëve me një taksë të re shtesë prej 5 eurosh sa herë regjistrohen automjetet.
Haradinaj thotë se qytetarët duhet të protestojnë kundër këtij vendimi. Më tej ai shtoi se me këtë vendim përfitojnë bizneset private dhe individët e lidhur me të.
“Të dashur qytetarë, Qeveria e Kosovës ka vendos një taksë krejtësisht të re, në vlerë prej 5 euro, në secilën herë që i regjistroni automjetet tuaja. Me këtë vendim përfiton një biznes privat dhe individët e lidhur me të, duke zbraz xhepat e qytetarëve me afro 2 milion euro në vit, të cilat nuk i shkojnë buxhetit të shtetit. Qytetarë të nderuar, PROTESTONI! U protestua për pesë euro taksë për shfrytëzim të Rrugës së Kombit, ndërsa tani, pa asnjë arsye iu merren 5 euro për secilin automjet! Protestoni për të drejtat tuaja!”, shkruan Haradinaj.
Duke nisur nga 1 shtatori, qytetarëve të Kosovës do t’iu shtohet kostoja shtesë financiare me rastin e regjistrimit të automjeteve. Ata do të detyrohen të paguajnë 4 euro e 90 cent shtesë.
