Në 24 orët e fundit në Kosovë janë regjistruar 373 raste të reja me koronavirus nga 3,139 testime të kryera. Fatkeqësisht dy qytetarë nuk e kanë fituar betejën me koronavirusin gjatë këtyre 24 orëve.
Ministria e Shëndetësisë bën me dije se në të gjithë vendin janë 9,461 raste aktive me COVID. Gjatë 24 orëve të fundit janë shëruar 1,710 qytetarë duke e çuar numrin e përgjithshëm të të shëruarve në 211,022 që prej fillimit të pandemisë.
Sakaq, 1,427 qytetarë janë vaksinuar në 24 orët e fundit ndërsa 811,331 i kanë marrë të dyja dozat e vaksinës. Prej fillimit të fushatës së vaksinimit në Kosovë janë dhënë në total 1,802,978 doza vaksine.
Komento
