Në 24 orët e fundit në Kosovë janë regjistruar 602 raste të reja me koronavirus nga 4,386 testime të kryera. Fatkeqësisht 6 qytetarë nuk e kanë fituar betejën me koronavirusin gjatë këtyre 24 orëve.
Mësohet se 2,584 qytetarë janë shëruar në 24 orët e fundit duke e çuar numrin e përgjithshëm të të shëruarve në 207,216 prej fillimit të pandemisë.
Sakaq, në të gjithë vendin janë 12,651 raste aktive me koronavirus. Ministria e Shëndetësisë njofton se në 24 orët e fundit janë dhënë 835 doza vaksine.
Sipas raportimeve, 810,708 persona i kanë marrë të dyja dozat e vaksinës. Prej fillimit të fushatës së vaksinimit në Kosovë janë dhënë në total 1,801,246 doza vaksine.
Komento
