Në 24 orët e fundit në Kosovë janë regjistruar 717 raste të reja me koronavirus nga 4,132 testime të kryera. Fatkeqësisht gjatë këtyre 24 orëve 4 qytetarë nuk e kanë fituar betejën me koronavirusin.
Ministria e Shëndetësisë njofton se në 24 orët e fundit janë vaksinuar 1,355 persona. 809,613 qytetarë janë vaksinuar me të dyja dozat e vaksinës. Prej fillimit të fushatës së vaksinimit në Kosovë janë dhënë në total 1,797,661 doza vaksine.
Sakaq, 2,370 qytetarë janë shëruar nga koronavirusi duke e çuar numrin e përgjithshëm të të shëruarve në 201,015 që prej fillimit të pandemisë.
Në të gjithë vendin mësohet se janë 16,849 raste aktive me COVID. Krahasuar me një ditë më parë, numri i viktimave dhe infektimeve ka rënë.
Komento
