KOSOVË - Një aksident i rëndë trafiku ka ndodhur në magjistralen Mitrovicë-Pejë, në fshatin Çubrel, ku tre persona kanë humbur jetën.
Lajmin e ka bërë të ditur kryetari i Komunës së Skenderajt, Fadil Nura, i cili shprehu ngushëllime për familjet e viktimave.
“Situata është rënduar pas aksidentit në Çubrel, me tri viktima deri tani të konfirmuara nga Policia e Kosovës. Thellësisht i prekur nga ky aksident ku u shuan tri jetë. Zoti ua lehtësoftë dhimbjen familjeve,” ka shkruar Nura.
Ndërsa mediat e Kosovës raportojnë se si pasojë e aksidentit, bazuar në informacionet e siguruara, kanë humbur jetën tre persona civilë, ndërsa pesë persona të tjerë kanë mbetur të lënduar, katër prej tyre zyrtarë policorë.
Komento
Komente
