Kosova & Rajoni
Top 24

Përleshje me armë zjarri në një bankë në Kosovë, vritet hajduti, vdes në spital polici (VIDEO)

Tentativa për grabitjen e filialit të një banke në Istog të Kosovës ka përfunduar me vdekjen e grabitësit dhe të një polici. Izet Demaj, baba i 3 fëmijëve, ish-anëtar i UCK-së, ngeli i vrarë në krye të detyrës. Grabitësi, Kamer Metaj, i kthyer nga Gjermania pas 17 vitesh burg, u vra nga Policia dhe ndërroi jetë në vend. Pamjet, të rënda.

27 Dhjetor 2018, 16:17| Përditesimi: 27 Dhjetor 2018, 22:55

  • Share

KOSOVË- Një ngjarje e rëndë ka ndodhur sot në Istog të Kosovës. Gjatë një përleshjeje me armë zjarri, një polic ka mbetur i vrarë,  pasi ishte duke parandaluar një grabitje. Bashkë me policin, mbeti i vrarë edhe hajduti i identifikuar si Kamber Metaj. E gjithë ngjarja është xhiruar nga qytetarët dhe shihet sesi grabitësi është qëlluar nga Policia, kur ka tentuar të largohet nga banka.

Pamjet janë të rënda dhe tregojnë të shtrirë grabitësin përtokë. Polici i vrarë është Izet Demaj, baba i 3 fëmijëve, ndërsa grabitësi është Kamer Metaj. Grabitësi i vrarë kishte 3 vite që ishte kthyer nga Gjermania, ku kishte qenë në burg për 17 vite.

Polici që mbeti i vrarë në përleshjen me grabitësin në Kosovë

Polici u plagos dhe më pas u dërgua me urgjencë në Spitalin e Pejës, ku nuk arriti dot që të shpëtojë. 42-vjeçari kishte qenë pjesë edhe e UÇK-së, Ushtria Çlirimtare e Kosovës.

Lidhur me rastin, Policia e Kosovës ka arrestuar dy persona me iniciale U.M dhe Y.M., të cilët janë dy persona të afërt të grabitësit dhe se dyshohen se kanë ndihmuar gjatë grabitjes.

Komento

Komente

  • Sondazhi i ditës:

    A e keni të qartë se si duhet të votoni më 11 maj?