Një shpërthim i fuqishëm raportohet në fshatin Varagë të Zubin Potokut, duke dëmtuar kanalin e ujit të Ibër-Lepencit.
Lajmin e ka konfirmuar për KosovaPress zëvendës drejtori i policisë për rajonin e veriut, Veton Elshani.
"Po, është dëgjuar një shpërthim në kanalin e ujit dhe ekipet policore janë duke punuar që sa më shpejtë ta ndriçojnë rastin", ka thënë Elshani.
Ndërkohë, një tjetër sulm u regjistrua në veri të Kosovës, ku një granatë dore u hodh drejt godinës së Komunës së Zveçanit dhe katër makina që kanë qenë të parkuara aty afër.
Komento
