KOSOVA- Ditën e sotme në orën 14:00 do të shqyrtohej leximi i dytë i Projektligjit mbi ndarjet buxhetore për Buxhetin e Kosovës për vitin 2021, por kryeparlamentarja Vjosa Osmani ka njoftuar se seanca është shtyrë për në orën 17:00.
Kjo për shkak që raporti lidhur me rekomandimet e amandamenteve nuk është gati.
Ditën e djeshme pas një debati të ashpër mbi ndarjet buxhetore mes pozitës dhe opozitës, Projektbuxheti ka kaluar me 64 vota pro. Partia Demokratike e Kosovës i ka dhënë mbështetje projektligjit të Buxhetit, ndërkaq Vetëvendosje ka votuar kundër.
Kuvendi i Kosovës pritet të shpërndahet, pasi Gjykata Kushtetuese e Kosovës, javën e kaluar, e ka shpallur jo kushtetuese mënyrën se si është zgjedhur Qeveria e udhëhequr nga Avdullah Hoti.
Bashkimi Evropian dhe mekanizma të tjerë kishin bërë thirrje që Kuvendi të mos shpërndahet pa u miratuar buxhetin e vitit të ardhshëm i cili kap vlerën e 2.4 miliardë eurove.
Kuvendi i Kosovës pritet të shpërndahet, pasi Gjykata Kushtetuese e Kosovës, javën e kaluar, e ka shpallur jo kushtetuese mënyrën se si është zgjedhur Qeveria e udhëhequr nga Avdullah Hoti.
